ÚFFFF!

Eftir að hafa lesið þetta viðtal við Gylfa Magnússon og viðtal við Pétur H. Blöndal þá er mér það mun auðveldara að skilja af hverju almenningur á Íslandi er sífellt að missa meira og meira álit á hefðbundnum atvinnu stjórnmálamönnum og færir sig á aðrar slóðir í pólitík.   Það má vel vera að Pétri og Gylfa þyki dómurinn ósanngjarn og henti ekki þeirra skoðunum eða bönkunum en það breytir ekki því að Hæstiréttur Íslands hefur kveðið upp sinn dóm og eftir honum á að fara, svo einfalt er það nú tel ég!  Það má vel vera að þeir félagar  telji að þeir séu dómstig sem er þar fyrir ofan en svo er ekki það best ég veit.  Það væri hugsanlegt að Hæstiréttur Íslands hafi einhvern staðar í dómum gert mistök enda hefur rétturinn örugglega ekki alltaf haft eins mikið af haldbærum gögnum og við uppkvaðningu þessa dóms.  En það breytir ekki því að ef gerð hafa verið mistök í hæstaréttardómum þá standa þeir og sá sem verður fyrir því að vera dæmdur sekur geldur þess, þrátt fyrir að sá hinn sami telji annað og raun reynist! 

Mörgum hefur virkilega blætt sem trúðu því að lánið sem þeir tóku yrði samkvæmt þeirri greiðsluáætlun sem þeir kvittuðu á en svo varð ekki raunin m.a. vegna stöðutöku bankanna sem nú kalla eftir "réttlæti" í þessu máli!  Ég sé ekki Pétur og Gylfi að það skipti máli hvort að þeir sem eru með þessu lán séu fleiri eða færri, Hæstiréttur hefur kveðið upp sinn dóm og eftir honum verður að sjálfsögðu að fara, við búum í réttarríki ekki satt?

Almenningur fengi reikninginn

Merkilegt!

það merkilega við þessa frétt finnst mér er að sjá fullorðna fólkið á myndinni með dökk sólgleraugu innivið ! 

Suri má klæðast háhæluðum skóm

Bara smá leiðrétting á þetta ekki að vera veðravítið Sandfell í Öræfum ekki Snæfell?

Ég sé að mælirinn hefur sennilega bilað við Sandfell eftir að hann sló í 40 metra en þarna á stuttum kafla koma oft ótrúlegar miklar hviður og vissara að fara mjög varlega eins og veðrið er þar nú.

Óveður er við Snæfell í Öræfum

.. sé að pilturinn fæddist í Liverpool er þetta þá ekki Púllari ;-)

Svona rétt til gamans hjá Liverpool aðdáanda eins og ég er en þetta verður sjálfsagt hörkufótboltamaður eins og pabbinn og ekki skemmir það nú að hann skyldi fæðast í Mekka fótboltans!

Rooney orðinn faðir

Sýnir þessi fyrirsögn ekki nákvæmlega hverjir stjórna AGS í raun og veru?

Það er svo sem ekki mikið um þessi orð Hollenska fjármálaráðherrans að segja enda fyrir löngu ljóst að stjórnvöld í Bretlandi og Hollandi hafa allan tímann haft okkur í vasanum innan AGS. En að einhverjir skuli enn reyna að halda því fram að Alþjóða gjaldeyrissjóðurinn sé sjálfstætt og óháð apparat   .......!

Bos: Á von á jákvæðum viðbrögðum AGS

Fjallið heitir BÚLANDSTINDUR ekki Teigarhorn!

Það er rétt að bærinn heitir Teigarhorn en erfitt er að sætta sig við að hinn píramídalagaði og eitt fallegasta fjall á Íslandi, Búlandstindur við Djúpavog sé rangnefndur undir myndinni.  

Um 500 steinum stolið á Teigarhorni

Eru þetta Raddir fólksins!

Hvernig dettur Herði Torfasyni í hug að segja "hvað er hann að draga veikindi sín fram í dagsljósið núna?"!   Heldur Hörður Torfason að það sé hægt að velja þann dag þegar alvarleg veikindi berja dyra? 

Heldur Hörður að forsætisráðherra hefði ekki feginn viljað sleppa við það yfirleitt að þurfa að standa í þessum sporum og segja alþjóð þetta?  Það sem mér finnst sem betur fer hinsvegar vera lang mest áberandi hjá flestum þeim hvar sem þeir standa  og tjá sig um alvarleg veikindi Geirs er samhugur og samúð, sem dæmi má nefna Steingrím J. Sigfússon.  Íslendingar hafa fyrir löngu sýnt það að samstaðan er ótrúleg sterk þegar erfiðleikar steðja að og kannski á vel við að rifja upp samhuginn sem Íslendingar sýndu eftir Vestmannaeyjagosið sem hófst á þessum degi árið 1973. Og vonandi munum við alltaf vera samstíga þjóð sem hugsar hlýtt til þeirra sem við erfiðleika og veikindi eiga að stríða og Geir H. Haarde eins og öllum þeim sem glíma við erfið veikindi óska ég góðs og skjóts bata! 

 

Hænuskref í rétta átt

King Cobra!

Það kemur svo sem ekki á óvart að King Cobra sé sú kylfa sem nefnd er sérstaklega en það vita nú sjálfsagt flestir sem hafa slegið með henni að hún þyrfti að vera með hljóðkút smellirnir eru svo háir og skerandi, allavega á eldri útgáfum hef ekki prufað þær nýjustu! En hljóðið t.d. í Callaway FT 5 er miklu neðar á tónstiganum og lægri smellir þannig að ég tel nú nokkuð víst að þetta sé bundið við fáa "drivera" og brautartré!  

En það væri betur að það væri hægt að fara út núna og fara eins og einn golfhring !  En hvað um það sólin hækkar á lofti og vorið kemur á endanum með búmmum, bíbbum eða einhverjum öðrum hljóðum frá áhöldum sem nota þarf til að koma hvíta boltanum rétta leið! 

Gleðilegt golfár golfarar!

 

Getur golf valdið heyrnarskaða?

Trúðar bloggheima?

Það er oft furðurlegt að lesa bloggheima eins og t.d. sumar umfjallanir hér um uppákomuna sem Gerrrad virðist hafa lent í sl. nótt.  Í raun ótrúlegt hvað sumir bloggarar geta verið lákúrulegir eins og t.d. að tala um "rudda","heilalausan trúð" og "fangelsismat" svo nokkur dæmi séu tekin.  

Það má vel vera að Gerrard sé sekur um að taka þátt í slagsmálum  en ég held nú samt að  rétt væri fyrir þá sem halda því fram að Gerrard sé heilalaus að hann fái að njóta vafans á maðan rannsókn stendur.   Ég vona amk. að þetta sé stormur í vatnsglasi æsifréttamiðla en hið rétta mun auðvitað koma í ljós á meðan fær fyrirliði FC Liverpool að njóta vafans hjá mér en hef hann hefur hinsvegar misst stjórn á skapi sínu og rétt fram hnefann þá fær hann eflaust að gjalda þess dýru verði. 

Steven Gerrard handtekinn

Ljós í myrkrinu!

Það er auðvitað mjög alvarlegt og slæmt mál niðurskurðurinn hjá RÚV og af mörgu að taka þar.  En það er þó ljós í myrkrinu að morgunleikfimin verður  áfram þó svo að í  þessari mynd sé.  En vonandi mun hún fyrr en síðar eins og margt annað gott hjá RÚV ná sér á strik að nýju s.s. svæðisútsendingar og fleira.  En ástæða þess að ég skrifa við þessa frétt er það mikilvægi sem ég veit að er til staðar varðandi morgunleikfimina í útvarpi fyrir eldra fólk og hversu mikill missir það hefði verið ef hún hefði lagst af.  Eins og fram kemur í fréttinni þá hefur Halldóra Björnsdóttir samþykkt að eldri þættir verði fluttir að nýju og á hún mikið hrós skilið fyrir það enda veit hún örugglega manna best hversu mikið og gott starf hún hefur verið að vinna . 

Gamlir morgunleikfimiþættir endurfluttir